Yeg Kahani Hai Deeye Ki from Toofan Aur Diya Movie (Vasant Desai)

Nirbal se ladaai balawaan ki
Nirbal se ladaai balawaan ki
Yeh kahaani hai diye ki aur tufaan ki
Yeh kahaani hai diye ki aur tufaan ki
Ik raat adhiyaari, thi dishaae kaari kaari
Mand mand pavan thaa chal rahaa
Adhiyaare ko mitaane, jag me jyot jagaane
Ek chhotaasaa diyaa thaa kahi jal rahaa
Apani dhun me magan, usake tan me agan
Usaki lau me lagan bhagavaan ki
Yeh kahaani hai diye ki aur tufaan ki

Kahi dur thaa tufaan
Kahi dur thaa tufaan, diye se thaa balavaan
Saare jag ko masalane machal rahaa
Jhaad ho yaa pahaad, de vo pal me ukhaad
Soch-soch ke zami pe thaa uchhal rahaa
Ek nanhaasaa diyaa, usane hamalaa kiyaa
Ek nanhaasaa diyaa, usane hamalaa kiyaa
Ab dekho lilaa vidhi ke vidhaan ki
Yeh kahaani hai diye ki aur tufaan ki

Duniyaa ne saath chhodaa
Mamataa ne mukh modaa
Ab diye pe yah dukh padane lagaa
Par himmat na haar
Man me maranaa vichaar
Atyaachaar ki havaa se ladane lagaa
Sar uthaanaa yaa jhukaanaa
Yaa bhalaai me mar jaanaa
Ghadi aai usake bhi imtehaan ki
Yeh kahaani hai diye ki aur tufaan ki

Phir aisi ghadi aai
Phir aisi ghadi aai
Ghanaghor ghataa chhaai
Ab diye kaa bhi dil lagaa kaanpane
Bade zor se tufaan, aayaa bharataa udaan
Us chhote se diye kaa bal maapane
Tab diyaa dukhiyaaraa
Woh bichaaraa besahaaraa
Chalaa daav pe lagaane
Baazi praan ki, baazi praan ki
Baazi praan ki, baazi praan ki
Chalaa daav pe lagaane, baazi praan ki
Yeh kahaani hai diye ki aur tufaan ki

Ladate ladate woh thakaa
Phir bhi bujh na sakaa
Usaki jyot me thaa bal re sachchaai kaa
Chaahe thaa woh kamazor, par tuti nahi dor
Usane bidaa thaa uthaayaa re bhalaai kaa
Huaa nahi woh niraash, chali jab tak saans
Use aas thi prabhu ke varadaan ki
Yeh kahaani hai diye ki aur tufaan ki

Sar patak patak, pag jhatak jhatak
Na hataa paayaa diye ko apani aan se
Baar baar vaar kar, ant me haar kar
Tufaan bhaagaa re maidaan se
Atyaachaar se ubhar, jali jyot amar
Rahi amar nishaani balidaan ki
Yeh kahaani hai diye ki aur tufaan ki
Nirbal se ladaai balavaan ki
Yeh kahaani hai diye ki aur tufaan ki...

Movie

Toofan Aur Diya

Artist

Vasant Desai

Music Directory

Vasant Desai

Music Label

Saregama

Singers

Prabodh Chandra Dey (Manna Dey)

Lyricist

Bharat Vyas