Isako bhi apanaataa chal, usako bhi apanaataa chal
Raahi hai sab ek dagar ke sab par pyaar lutaataa chal
Isako bhi apanaataa chal, usako bhi apanaataa chal

Idhar kafan tak nahi laash par udhar numaayish resham ki
Yahaan swayavar kare chaandani vahaan na raat kate gam ki
Dharati kakar patthar maare ambar ugale agaare
Koi puchhe baat na is bagiyaa me dukhiyaa shabanam ki

Sukh ki umr badhaataa chal, dukh ko kafan odhaataa chal
Mile jahaan bhi mahal use kutiyaa ke paas bulaataa chal
Isako bhi apanaataa chal, usako bhi apanaataa chal

Bikaa-biki sab or machi hai aane yaa do aano par
Ismat bike doraaho par to pyaar bike dukaano par
Dagar-dagar par mandir masjid qadam qadam par gurudvaare
Bhagavaano ki basti me hai zulm bahut inasaano par

Khidaki har khulavaataa chal, saantal har katavaataa chal
Is par bhi roshani na ho to dil kaa diyaa jalaataa chal
Isako bhi apanaataa chal, usako bhi apanaataa chal

Ridarde ke bich khaaiyaan lahu bichhaa maidaano me
Ghum rahe hai yuddh sadak par shaati chhipi shamashaano me
Zajire kat gai magar aazaad nahi inasaan abhi
Duniyaa bhar ki khushi qaid hai chaandi jade makaano me

Tat-tat raas rachaataa chal, panaghat-panaghat gaataa chal
Pyaasaa hai har praan, nayan kaa gagaa jal chhalakaataa chal
Isako bhi apanaataa chal, usako bhi apanaataa chal

Nayan-nayan tarase sapano ko aanchal tarase phulo ko
Aangan tarase tyohaaro ko galiyaan tarase jhulo ko
Kisi hoth par baje na basi kisi haath me bin nahi
Umar samudar ki de daali kis ne chad babulo ko

Soi kiran jagaataa chal, ruthi subahe manaataa chal
Pyaar naqaabo me na bad ho har ghunghat khulavaataa chal
Isako bhi apanaataa chal, usako bhi apanaataa chal...

Movie

Nai Umar Ki Nai Fasal

Artist

Roshanlal Nagrath (Roshan)

Music Directory

Roshanlal Nagrath (Roshan)

Music Label

Saregama

Singers

Mohammed Rafi

Lyricist

Gopaldas Saxena (Neeraj)