Zakhamo se kalejaa chur huaa
Had ho gai gam me naalo ki
Kyaa hunhi tabaahi hoti hai
Duniyaa me mohabbat-vaalo ki

Ye kyaa zindagi hai, ye kaisaa jahaan hai
Ye kyaa zindagi hai, ye kaisaa jahaan hai
Jidhar dekhiye zulm ki daastaa hai
Ye kyaa zindagi hai, ye kaisaa jahaan hai

Kahi hai kafas me kisikaa baseraa
Kahi hai nigaaho me gam kaa adheraa
Kahi dil kaa lutataa huaa kaaravaa hai
Jidhar dekhiye zulm ki daastaa hai
Ye kyaa zindagi hai, ye kaisaa jahaan hai

Yahaan aadami aadami kaa hai dushman
Yahaan chaak inasaaniyat kaa hai daaman
Mohabbat kaa ujadaa huaa aashiyaa hai
Jidhar dekhiye zulm ki daastaa hai
Ye kyaa zindagi hai, ye kaisaa jahaan hai

Ye beraham duniyaa samajh me na aae
Yahaan kar rahe hai sitamagar khudaai
Na jaane tu ai duniyaavaale kahaan hai
Jidhar dekhiye zulm ki daastaa hai
Ye kyaa zindagi hai, ye kaisaa jahaan hai

Ye kyaa zindagi hai, ye kaisaa jahaan hai
Jidhar dekhiye zulm ki daastaa hai...

Movie

Kohinoor

Artist

Naushad Ali

Music Directory

Naushad Ali

Music Label

Saregama

Singers

Lata Mangeshkar

Lyricist

Shakeel Badayuni