Abhi na jaao chhod kar ke dil abhi bharaa nahi
Abhi na jaao chhod kar ke dil abhi bharaa nahi
Abhi abhi to aai ho abhi abhi to
Abhi abhi to aai ho, bahaar banake chhaai ho
Havaa zaraa mahak to le, nazar zaraa bahak to le
Ye shaam dhal to le zaraa
Ye shaam dhal to le zaraa , ye dil sambhal to le zaraa
Mai thodi der ji to lun, nashe ke ghunt pi to lun
Nashe ke ghunt pi to lun
Abhi to kuchh kahaa nahi, abhi to kuchh sunaa nahi
Abhi na jaao chhodakar ke dil abhi bharaa nahi

Sitaare jhilamilaa uthe, sitaare jhilamilaa uthe,
Charaag jagamagaa uthe
Bas ab na mujhako tokanaa
Bas ab na mujhako tokanaa, na badhake raah rokanaa
Agar mai ruk gai abhi to jaa na paaungi kabhi
Yahi kahoge tum sadaa ke dil abhi nahi bharaa
Jo khatm ho kisi jagah ye aisaa silasilaa nahi
Abhi nahi abhi nahi
Nahi nahi nahi nahi
Abhi na jaao chhodakar ke dil abhi bharaa nahi

Adhuri aas, adhuri aas chhodake, adhuri pyaas chhodake
Jo roz yunhi jaaogi to kis tarah nibhaaogi
Ki zindagi ki raah me, javaan dilo ki chaah me
Kai muqaam aaege jo ham ko aazamaaege
Buraa na maano baat kaa ye pyaar hai gilaa nahi
Haan, yahi kahoge tum sadaa ke dil abhi bharaa nahi
Haan, dil abhi bharaa nahi
Nahi nahi nahi nahi...

Movie

Hum Dono

Artist

Jaidev Kumar

Music Directory

Jaidev Kumar

Music Label

Saregama

Singers

Asha Bhosle, Mohammed Rafi

Lyricist

Sahir Ludhianvi