Tere Bachpan Ko Jawani Ki Dua from Mujhe Jeene Do Movie (Jaidev Verma)

Tere bachapan ko javaanii kii duaa detii hun
Tere bachapan ko javaanii kii duaa detii hun
Aur duaa deke pareshaan sii ho jaatii hun

Mere munne mere gulazaar ke nanhe paudhe
Tujh ko haalat ki aandhi se bachaane ke liye
Aaj main
Pyaar ke aanchal mein chhupaa leti hun
Kal ye kamazor sahaaraa bhi na haasil hoga
Kal ye kamazor sahaaraa bhi na haasil hoga
Kal tujhe kaanton bhari raah pe chalana hoga
Zindagaani ki kadi dhup men jalanaa hoga
Tere bachapan ko javaanii kii duaa detii hun
Aur duaa deke pareshaan sii ho jaatii hun

Tere maathe pe sharaafat ki koi mohar nahin
Chand hote hain
Muhabbat ke sukoon hi kya hain
Mujhasi maaon ki muhabbat ka koi mol nahin
Mujhasi maaon ki muhabbat ka koi mol nahin
Mere maasoom farishte tu abhi kya jaane
Tujh ko kis-kis ki gunaahon ki saza milani hai
Din aur dharm ke maare hue insaanon ki
Jo nazar milani hai tujh ko vo khafa milani hai
Tere bachapan ko javaanii kii duaa detii hun
Aur duaa deke pareshaan sii ho jaatii hun

Bediyaan leke lapakata hua kaanoon ka haath
Bediyaan leke lapakata hua kaanoon ka haath
Tere maan baap se jab tujh ko mili ye saughaat
Kaun laaega tere vaaste khushiyon ki baaraat
Kaun laaega tere vaaste khushiyon ki baaraat
Mere bachche tere anjaam se ji darata hai
Teri dushman hi na saabit ho javaani teri
Khaak jaati hai jise soch ke mamata meri
Usi anjaam ko pahunche na kahaani teri
Tere bachapan ko javaanii kii duaa detii hun
Aur duaa deke pareshaan sii ho jaatii hun
Aur duaa deke pareshaan sii ho jaatii hun...

Movie

Mujhe Jeene Do

Artist

Jaidev Verma

Music Directory

Jaidev Verma

Music Label

Saregama

Singers

Lata Mangeshkar

Lyricist

Sahir Ludhianvi