Yeh Duniya Agar Mil Bhi Jaaye from Pyaasa Movie (Sachin Dev Burman)

Ye mahalo, ye takto, ye taajo ki duniyaa
Ye inasaa ke dushman samaajo ki duniyaa
Ye inasaa ke dushman samaajo ki duniyaa
Ye daulat ke bhukhe rivaazo ki duniyaa
Ye duniyaa agar mil bhi jaaye to kyaa hai
Ye duniyaa agar mil bhi jaaye to kyaa hai

Har ek jism ghaayal, har ek ruh pyaasi
Nigaaho me ulajhan, dilo me udaasi
Ye duniyaa hai yaa aalam e badahavaasi
Ye duniyaa agar mil bhi jaaye to kyaa hai
Ye duniyaa agar mil bhi jaaye to kyaa hai

Jahaa ek khilaunaa hai inasaa ki hasti
Ye basti hai murdaa parasto ki basti
Jahaa aur jivan se hai maut sasti
Ye duniyaa agar mil bhi jaaye to kyaa hai
Ye duniyaa agar mil bhi jaaye to kyaa hai

Javaani bhatakati hai badkaar banakar
Javaa jism sajate hai baazaar banakar
Jahaa pyaar hotaa hai vyaapaar banakar
Ye duniyaa agar mil bhi jaaye to kyaa hai
Ye duniyaa agar mil bhi jaaye to kyaa hai

Ye duniyaa jahaa aadami kuchh nahi hai
Vafaa kuchh nahi, dosti kuchh nahi hai
Ye duniyaa jahaa aadami kuchh nahi hai
Vafaa kuchh nahi, dosti kuchh nahi hai
Jahaa pyaar ki kadr hi kuchh nahi hai
Ye duniyaa agar mil bhi jaaye to kyaa hai
Ye duniyaa agar mil bhi jaaye to kyaa hai

Jalaa do ise phuk daalo ye duniyaa
Jalaa do, jalaa do, jalaa do ise phuk daalo ye duniyaa
Mere saamane se hataa lo ye duniyaa
Tumhaari hai tum hi sambhalo ye duniyaa
Ye duniyaa agar mil bhi jaaye to kyaa hai
Ye duniyaa agar mil bhi jaaye to kyaa hai...

Movie

Pyaasa

Artist

Sachin Dev Burman

Music Directory

Sachin Dev Burman

Music Label

Saregama

Singers

Mohammed Rafi

Lyricist

Sahir Ludhianvi