Tujhe Bhul Ke Maati from Chandi Sona Movie (Rahul Dev Burman)

Tujhe bhul ke maati ki putali par
Koi mann ki khidaki khol rahaa
Jisame teraa naam tule jag usame
Sonaa-chaandi tol rahaa

Apanaa kyaa hai ham to anajaane
O teri duniyaa kaisi tu jaane
Jivan path pe nikale do pal ko ham
Apane ji ko bahalaane
O teri duniyaa

Tune jab duniyaa ye banaai
Dharati ki chaadar phailaai
Chandaa-suraj ki jot jalaai
Par jisake lie jag tune rachaa
Vo karake ise viraan rahaa
Dharati ki chaadar chhin chukaa
Ab chaand aur suraj maang rahaa
Ye tere bando ke afasaane
O teri duniyaa

Ulti gagaa bahe
Jogi chup kaise rahe
Ab devataa kuchh bhi nahi
Maanavataa kuchh bhi nahi
Yaar se yaari gai vo diladaari gai
Aisi chhaayaa tale ham divaane bhale
Kaisaa pyaar kahaan ki dosti kaisaa rishtaa-naataa
Tere hote insaan teraa shaitaan huaa o daataa
Par ye kyaa kah rahe ham divaane
O teri duniyaa

Jab dil me paraayaa dard uthe
Duje ke tu kaam aae yaaraa
Tab gyaan milaa jivan tujhako
Chaandi-sone se bhi pyaaraa
Varanaa dhan to chiz hi kyaa hai
Kahe miyaan naziraa kaa ikataaraa
Sab thaath padaa rah jaaegaa
Jab laad chalegaa bajaaraa
Kaam aaenge yahi pyaar ke nazaraane
O teri duniyaa..

Movie

Chandi Sona

Artist

Rahul Dev Burman

Music Directory

Ramchandra Narhar Chitalkar (C. Ramchandra)

Music Label

Saregama music

Singers

Mukesh Chand Mathur (Mukesh)

Lyricist

Majrooh Sultanpuri